Самарқандда олтин рудасини ноқонуний қайта ишлаган бир гуруҳ шахслар қўлга олинди

Қўлга олинган гуруҳнинг уйларидан печлар, тегирмонлар ва таркибида соф олтин бўлган 3 тоннадан ортиқ руда топилган.

Давлат хавфсизлик хизмати ходимлари ҳуқуқ-тартибот идоралари вакиллари билан биргаликда Самарқанд вилоятида олтин рудасини ноқонуний қайта ишлашга чек қўйди. Бу ҳақда Самарқанд вилояти ИИБ матбуот хизмати хабар берди.

Маълум бўлишича, Пахтачи туманида яшовчи уч нафар фуқаро рудани қайта ишлаш билан шуғулланган.

Терговчилар уларнинг уйларидан 3,1 тонна олтин рудаси, 2 та печ ва 3 та тегирмонни аниқлаган.

Қўлга олинганлар устидан тергов ҳаракатлари олиб борилмоқда.