Тошкент шаҳрига кираверишда ЙПҲ инспекторлари томонидан автомашинада ноқонуний психотроп дори воситалари олиб кетаётган аёл қўлга олинди.
Бу ҳақда ДЙҲХБ матбуот хизмати хабар берди.
Жорий йилнинг 11-декабр куни соат 21:30да “Бектемир” пости ЙҲХБ инспекторлари Ш.Холназаров ва И.Мамбетовлар томонидан пойтахтга кириб келаётган “Матиз” автомашинасини тўхтатган. Холислар иштирокида олиб борилган кўздан кечириш чоғида 34 ёшли йуловчи Д.Х.дан 3 дона “Тропикамид”, 3 дона “Регапен” ва 18 дона “Карбамазепин” дори воситалари топилди.
Аниқланган факт юзасидан баённома тузилиб, фуқаро Д.Х. Бектемир ИИБга кузатиб қўйилган.