Тошкент шаҳар ИИБ ходимлари гиёҳванд моддаларни тайёрлаш ва улардан фойдаланиш учун яратилган ҳонадон фаолиятини бостиришди.
Олмазор тумани Ички ишлар бўлимидан олинган хабарга кўра, 5 январ куни соат тахминан 14 ларда икки ака-ука 31 ёшли Шоислом Ш. ва 26 ёшли Шорустам Ш. ўз уйларида дўстлари учун гиёҳванд моддалар (0,61 грамм опиум) истеъмол қилиш учун уйлар ташкил қилишган. Ушбу факт бўйича Ўзбекистон Республикаси Жиноят кодексининг 273-моддаси 4-қисми («Гиёҳвандлик воситалари, уларнинг аналоглари ёки психотроп моддаларини сотиш, шунингдек уларни сотиш мақсадида ноқонуний тайёрлаш, олиш, сақлаш ва бошқа ҳаракатлар») билан жиноят иши қўзғатилди.
