Ўзбекистон пойтахтида экстремистик гуруҳ аъзолари қўлга олинди

Тошкентда «Хизб ут-Тахрир» диний экстремистик ҳаракати аъзолари қўлга олинди.

Экстремистик ячейканинг барча аъзолари Телеграмъдаги «Чойхона» ва «Иймонлашайлик» гуруҳлари аъзолари бўлиб, у ерда тақиқланган материаллар тарқатилган.

Ҳуқуқни муҳофаза қилувчи органлар томонидан олиб борилган тезкор чора-тадбирлар натижасида пойтахтимизнинг Олмазор ва Шайхонтоҳур туманларида истиқомат қилган республикамизда фаолияти тақиқланган «Хизб ут-Тахрир» диний экстремистик ташкилоти аъзоларининг фаолиятига чек қўйилди. Бу ҳақда Ички ишлар вазирлиги хабарида айтилади.

Маълум бўлишича, И.A. Телеграмъда ташкил этилган «Чойҳона» ва «Иймонлашаилик» виртуал гуруҳларига 10 дан ортиқ курсдошларини қўшиб, у ерда тақиқланган материалларни тарқатган. Шунингдек, И.A. ўз қариндошлари ва кўплаб танишларини ташкилот сафига таклиф қилиб, интернет тармоғида экстремистик мазмундаги аудио ва видео материалларни тарқатган.

Ўз навбатида гуруҳ аъзолари ушбу материаллар билан танишиб, «Хизб ут-Тахрир» РЕТ фаолиятини қўллаб-қувватладилар.

Маълум бўлишича, ушбу жиноий гуруҳ фаолиятини ҳозирда Полшада яшириниб юрган, Қирғизистонда 1980 йил туғилган «Махмуд Абдулмўмин» тахаллуси билан «Ҳизб ут-Тахрир» ДЭТнинг мафкуравий етакчиларидан бири назорат қилган.
Ҳозирда юқоридаги шахсларга нисбатан тергов ҳаракатлари олиб борилмоқда.