Марказий банк ўтган йил давомида озиқ-овқат маҳсулотлари нархининг ўсиши 15% атрофида белгиланганлигини эълон қилди. Инфляция даражаси Марказий банк томонидан 10,9% даражасида белгиланди.
Марказий банк ҳисоботида айтилишича, бу йил май-июл ойларида мева-сабзавот маҳсулотлари нархларининг мавсумий пасайиши кутилмаган. Регулятор нархларнинг ўсиш динамикасини ишлаб чиқариш омиллари, масалан, об -ҳаво шароити, ҳосил даражаси ва пандемия шароитлари билан боғлайди.
«Инфляциянинг барқарор компонентлари бўлган ноозиқ-овқат маҳсулотлари ва хизматлар нархларининг йиллик ўсиш суръатлари июн ойида мос равишда 8,2% ва 8,1% ни ташкил этди. Бу прогнозга мувофиқ умумий инфляциянинг пасайишига олиб келди. Мева ва сабзавотлар нархларини ҳисобга олмаган ҳолда ҳисобланган асосий инфляция даражаси июн ойида 10,2% ни ташкил этди ва инфляциянинг умумий даражасидан паст бўлди», — дейилади Марказий банк хабарида.
Июн ойида ўтказилган сўров натижаларига кўра, аҳолининг кейинги 12 ойлик инфляцион кутиш даражаси 16,3%ни ташкил этди, бу жорий йилнинг март ойига нисбатан 0,8″ пунктга юқори.
«Келажакдаги кутиш динамикаси асосий озиқ-овқат товарлари нархларининг барқарорлашуви ва валюта курси динамикасига мос равишда кўпроқ шаклланади», дейилади хабарда.