Ўзбекистонда кекса одамни ўлдирганликда гумон қилинаётган 37 ёшли эркак қўлга олинди.
ИИВ матбуот хизматининг хабар беришича, Марғилон шаҳридаги Пичоқчи маҳалласидаги қурилиши тугалланмаган уйнинг ертўласидан танасида тан жароҳатлари бўлган 1960-йилда туғилган эркакнинг жасади топилган.
Олиб борилган тезкор-қидирув тадбирлари натижасида жиноятни содир этишда гумон қилиниб, Фарғона шаҳрида яшовчи 1985-йилда туғилган фуқаро қўлга олинди.
Тергов жараёнида гумонланувчи ва жабрланувчи бир-бирини аввалдан таниганлиги маълум бўлди. Спиртли ичимликлар истеъмол қилган эркаклар ўртасида жанжал келиб чиқиб, улар бир-бирларига тан жароҳати етказган. Натижада жабрланувчи воқеа жойида вафот этган.