Ҳиндистон оммавий ахборот воситалари Сонепат курортида брон қилинган меҳмонхона хонасида содир бўлган фожиали воқеа ҳақида маълумот тарқатди.
Хона ичидан Ҳиндистонда сайёҳлик визаси билан бўлган 25 ёшли деҳлилик еркак ва 32 ёшли Ўзбекистон фуқаросининг жасадлари топилган.
Эр-хотин хонани олдиндан банд қилиб, якшанба куни кечқурун рўйхатдан ўтишди.
Эртаси куни эрталаб улар таниши аёл билан боғлана олмаганида, кимдир меҳмонхонага келиб, ходимлар билан боғланиб, полицияга қўнғироқ қилган.
Хона очилгандан сўнг, иккала шахс ҳам ўлганлиги маълум бўлди, уларнинг танасида тан жароҳати излари топилмади. Хонада спиртли ичимлик шишаси топилган, бироқ улар спиртли ичимликлар истеъмол қилган-бўлмагани ҳали тасдиқланмаган.
Эркакнинг жасади ҳаммом ёнидан, аёлнинг жасади эса каравотдан топилган. Иккаласи ҳам ярим кийинган эди. Ҳозирда ўлим сабаблари аниқланмаган, жасадлар ўлимдан кейинги экспертизага юборилган.
Полиция ҳодиса билан боғлиқ ҳолатларни аниқлаш учун тергов ишларини олиб бормоқда.