2023-йилнинг январ-апрел ойлари давомида Ўзбекистон гилам экспортини муваффақиятли давом эттириб, 12 та хорижий давлатга жами 14,9 миллион АҚШ доллари миқдорида гилам етказиб берди.
Статистика агентлиги маълумотларига кўра, гилам маҳсулотлари экспорти ҳажми 2022-йилнинг мос даврига нисбатан 5,2 миллион АҚШ долларига ошгани мазкур соҳа ривожланишининг ижобий тенденциясидан далолат беради.
Ўзбекистондан гиламлар экспортининг асосий йўналишларини таҳлил қилганда, ўзбек гиламлари импорти ҳажми юқори (АҚШ долларида) бўлган қуйидаги етакчи ҳамкор-давлатларни қайд этиш мумкин:
- Қирғизистон — 7,5 миллион доллар.
- Тожикистон – 2,3 миллион доллар.
- Озарбайжон — 1,8 миллион доллар.
- Россия — 1,5 миллион доллар.
- Афғонистон — 1,1 миллион доллар.
- Қозоғистон – 436 минг доллар.
Бу маълумотлар халқаро бозорда ўзбек гиламларига бўлган талаб ортиб бораётганини тасдиқлаб, уларнинг харидорлар эътиборини тортаётган юқори сифати ва ўзига хос дизайни билан ажралиб туради.
Ўзбекистон гилам ишлаб чиқариш ва экспорт қилиш бўйича жаҳонда етакчи ўринни эгаллашда давом этмоқда ва бу натижалар соҳа барқарор ривожланиб бораётгани ва уни янада юксалтириш истиқболларидан далолат беради.