Япония КХДР етакчисига энг юқори ҳарбий унвон беришни режалаштираётгани тўғрисида маълумотни фаол равишда тарқатмоқда.
Жанубий Корея разведкаси маълумотларига кўра, Ким Чен Ын январ ойида бўлиб ўтадиган Корея Ишчилар партиясининг (КИП) қурултойида генералиссимус унвонига эга бўлади. Махсус хизматлар раҳбарияти 3-ноябр куни ёпиқ йиғилишда миллий парламент депутатларига маълум қилди, деб хабар берди пайшанба куни Япониянинг «Asahi» газетаси.
Айни пайтда, унинг сўзларига кўра, Ким Чен Ын Маршал ҳарбий унвонига эга.
Шу билан бирга, унинг бобоси, КХДР асосчиси Ким Ир Сен (1915-1994) ва деярли 17 йил давомида мамлакатнинг энг юқори раҳбари бўлган отаси Ким Чен Ир (1941-2011) генералиссимус унвонига эга эди.
3-ноябр куни бўлиб ўтган ёпиқ йиғилишда Жанубий Корея разведкаси раҳбарияти депутатларни Ким Чен Ыннинг КИП Марказий Қўмитаси ташкилий бўлими бошлиғининг биринчи ўринбосари бўлган синглиси Ким Ё Чжоннинг кучайиб бораётган таъсири тўғрисида ҳам хабардор қилди. Разведка агентлиги маълумотларига кўра, у, хусусан, 10 октябрда нишонланган Корея ишчилар партиясининг 75 йиллиги муносабати билан барча тадбирларни бошқарган. Яқинда бўлиб ўтадиган КИП конгрессида Ким Ё Чжон ваколатлари янада кенгайтирилиши мумкин, дея тахмин қилмоқда Жанубий Корея разведкаси.