Латвиядан олинган сўнгги хабарларга кўра, мингдан ортиқ Россия фуқаролари янги иммиграция қоидаларини бузгани учун мамлакатдан чиқариб юборилиши кутилмоқда.
Бу ҳақда Латвия Фуқаролик ва миграция масалалари бошқармаси (PMLP) маълумот берди.
PMLP ҳисоботига кўра, 1213 нафар россиялик қонунга киритилган сўнгги тузатишлар бўйича охирги муддат бўлган 30 ноябргача Латвияда яшаш учун рухсат олиш учун зарур ҳужжатларни тақдим этмаган. Айни пайтда уларнинг Латвияни тарк этган-кетмагани ҳақида маълумот йўқ.
Қонунни бузгани учун депортация қилинадиган россияликларнинг якуний сони ҳали аниқланмаган.
Иммиграция қонунчилигидаги ўзгаришларга дучор бўлган ва 31-декабргача Европа Иттифоқининг доимий резиденти мақомини олиш учун ариза топширмаган Россия фуқаролари учун доимий яшаш учун рухсатномалар 2024-йил 3-январда тугайди.
Қаттиқ чеклов фақат 30-ноябргача давлат тили имтиҳонидан ўта олмаганларга тегишли.
Илгари Латвиядаги Россия фуқаролари доимий яшаш учун рухсатномаларни тил имтиҳонисиз олишлари мумкин эди, бироқ 2022-йил сентябрдан бошлаб улар сўзлашув даражасида мажбурий имтиҳондан муваффақиятли ўтишлари керак.
Ушбу янгилик муҳожирларнинг интеграциялашувини яхшилаш ва уларни маҳаллий маданият ва тилга мослаштиришга қаратилган.