«Ўзсаноатқурилишматериаллари» уюшмаси цемент заводларининг атроф-муҳитга таъсирини камайтириш бўйича янги чора-тадбирларни тақдим этди.
Ўзбекистон Республикасининг 2023-йилга мўлжалланган қурилиш соҳаси таҳлили ва соҳадаги ўзгаришларга бағишланган матбуот анжуманида чанг чиқиндиларини камайтиришга қаратилган қурилмалар жорий этилиши ҳақида маълум қилинди.
Атроф-муҳитга таъсир қилиш хавфи юқори бўлган тадбиркорлик субъектларининг таъсири мониторингини кучайтиришга қаратилган қабул қилинган қарорларга эътибор қаратилмоқда.
Бу соҳа ҳам бугунги кун талаблари асосида такомиллаштирилиб, рақамлаштирилмоқда.
Белгиланган «тармоқ жадвали»га мувофиқ 10 та ишлаб чиқариш корхонасида самарали мониторинг ва назоратни амалга оширишга қаратилган автоматик станциялар жорий этилди.
Цемент заводларининг атмосфера ҳавосига таъсирини камайтириш учун циклон филтрлари, электр чўктиргичлар ва бошқа чанг ва газни тозалаш мосламалари каби инновацион технологик ечимлар қўлланилади.
Ушбу қурилмаларнинг ҳавони чангдан тозалаш самарадорлиги умумий чиқиндиларнинг 75-99 фоизини ташкил қилади.
Ушбу чора-тадбирлар қурилиш материаллари ишлаб чиқаришни янада экологик тоза ва замонавий экологик стандартларга мослаштиришга қаратилган.