Ўзбекистон, Россия ва Қозоғистон газ таъминотини тескари режим орқали оширишни муҳокама қилди. Энергетика вазирининг биринчи ўринбосари Павел Сорокин интервьюда айтганидек, бу қадам ҳар учала давлат учун стратегик аҳамиятга эга.
Россия гази Ўзбекистонга Қозоғистон орқали тескари режимда етказиб берилади. Икки йилга имзоланган шартнома йилига 2,8 миллиард куб метр газ етказиб беришни назарда тутади.
Россия газининг Ўзбекистон учун нархи ошкор этилмаган, бироқ Ўзбекистон Энергетика вазирлигининг таъкидлашича, «шартнома тижорат шартларида ишлаб чиқилган». Етказиб бериш 1 октябрдан бошланиши керак.
Павел Сорокиннинг сўзларига кўра, Марказий Осиё республикалари, жумладан, Ўзбекистон ҳам ички газга бўлган талабнинг энг юқори даврларини кафолатлаши, шунингдек, экспорт шартнома мажбуриятларини бажариши мумкин бўлади.
Россия учун бу ҳамкорлар билан алоқаларни кенгайтириш ва газ етказиб бериш йўналишларини диверсификация қилиш демакдир.
Хитойга газ транзити ҳақида гапиришга ҳали эрта, бироқ инфратузилмани кўпайтириш ва газ алоқаларини чуқурлаштириш барча мамлакатлар учун фойдалидир, деди расмий. Ушбу келишув минтақада энергетика соҳасидаги ҳамкорликни мустаҳкамлашда муҳим қадам бўлади.