Хусусий уй-жой мулкдорлари ширкати (УЖМШ)нинг бир неча ходимлари коммунал тўловлар учун ундирилган пулларни ўзлаштиришда гумонланиб, қўлга олинди. Бу ҳақда Иқтисодий жиноятларга қарши кураш департаменти хабар берди.
Агентликнинг аниқлик киритишича, Тошкент шаҳрининг Учтепа туманидаги бешта УЖМШ ходимлари жами 413,9 миллион сўмни ўзлаштириб, исроф қилган.
Мазкур ҳолат юзасидан Жиноят кодексининг 167-моддаси (ўзлаштириш ёки ўзлаштириш йули билан ўғирлик) билан жиноят иши қўзғатилган. Ҳозирда тергов ҳаракатлари олиб борилмоқда.