Тошкент шаҳрининг Юнусобод туманидаги Brand rows дўконида эркаклар учун бепул қишки кўйлаги тарқатиш билан боғлиқ хайрия акцияси кутилмаган тартибсизликлар билан якунланди.
Воқеа жойидан олинган видео лавҳалар тезда ижтимоий тармоқларда тарқалиб кетди, унда бепул кийим-кечак учун тўпланган одамлар кўрсатилган. Хайрия тадбирини ташкил этган тадбиркор оммавий тадбирлар ўтказиш қоидаларини бузгани учун жаримага тортилди.
Воқеа жорий йилнинг 4 январ куни дўкон ижтимоий тармоқлардаги пост орқали 300 та эркаклар қишки кўйлаги тарқатилишини эълон қилган пайтда содир бўлган.
Бироқ текин кийим-кечак учун келган фуқаролар дўкон олдида тиқилинч келтириб чиқарган, бу эса тартибни ўрнатиш учун ички ишлар ходимларининг аралашувини талаб қилган. Ходимларнинг тезкор ҳаракатлари туфайли вазият назоратга олинди, ҳеч ким жабрланмади.
«Brand rows» дўконининг раҳбари, 1999-йилда туғилган оммавий тадбирларни ўтказиш қоидаларини бузганлиги учун Маъмурий жавобгарлик тўғрисидаги кодекснинг 200-1-моддаси билан маъмурий жавобгарликка тортилди.
Шунингдек, ички ишлар ходимларининг қонуний талабларини бажармаганликлари учун тўққиз нафар дўкон ходими Кодекснинг 194-моддаси билан жиноий жавобгарликка тортилди.
Тўпланган ҳужжатлар Жиноят ишлари бўйича Юнусобод туман судига юборилиб, суд томонидан 9 нафар фуқаронинг бошига базавий ҳисоб-китоб миқдорининг (БҲМ) 15 баравари, 9 нафар фуқарога эса 10 баравари миқдорида жарима солишга қарор қилинди.