2023 йил охирига келиб Россия ҳукумати қарзи туфайли қарийб беш милилон фуқаронинг чет элга чиқишини тақиқлашга қарор қилди. Бу ҳақда 23-декабр, шанба куни Россия суд ижрочилари федерал хизмати (СИФХ) матбуот хизмати хабар берди, деб ёзади Россия матбуоти.
Шуниси аниқ кўриниб турибдики, биргина Москвада 11 ой ичида саёҳат қилиш ҳуқуқини чеклаш бўйича 742 минг қарор қабул қилинган ва суд ижрочилари вакилларининг сўзларига кўра, уларнинг аксарияти ҳозирги вақтда ўз кучида қолмоқда.
Сўнгги бир неча йил ичида саёҳат чекловларига дучор бўлган фуқаролар сони доимий равишда ўсиб бормоқда. 2016-йил якунига кўра, саёҳатга чекловлар рўйхатида 1 миллионга яқин киши бўлган бўлса, 2017-йилда бу рақам 1,8 миллионга, 2018-йилда 3 миллионга, 2020-йилда эса 4,1 миллионга етди. Максимал кўрсаткич 2022-йил охирига келиб қайд этилган бўлиб, ўшанда 8 миллионга яқин фуқаро қарзлари туфайли мамлакатни тарк этиш ҳуқуқидан маҳрум бўлган.
Қарздорлар учун Россияни тарк этишни тақиқлаш 2005 йилдан бери мавжуд. Чегара назоратида, ҳатто виза мавжудлиги ҳам қарздорга тегишли маълумотлар базасида қарзни тўлаш тўғрисидаги маълумотлар пайдо бўлмагунча мамлакатни тарк этишга имкон бермайди.