Қозоғистоннинг Евроосиё банки Ўзбекистон бозорига кириб, бу мамлакатдан Ўзбекистонда филиал очган иккинчи банк бўлди.
Евроосиё банкини Тошкент шаҳрида рўйхатдан ўтказиш ва банк фаолияти учун лицензия бериш тўғрисидаги қарор Ўзбекистон Марказий банки томонидан қабул қилинди. Бу Қозоғистоннинг Ўзбекистонда ўз фаолиятини кенгайтираётган иккинчи банкидир.
2019-йилдан буён Қозоғистон Халқ банкининг банки бўлмиш «Тенге Банк» филиали мамлакатимизда муваффақиятли фаолият юритиб келмоқда.
Евроосиё банки активлари бўйича Қозоғистоннинг энг йирик банклари ўнталигига киради, бош офиси Олмаота шаҳрида жойлашган. Банк Қозоғистонда 19 та ҳудудий филиал ва 119 та касса ҳисоб-китоб филиалларини қамраб олади.
Евроосиё банкининг стратегик ҳамкори «Евросиё молия компанияси» АЖ бўлиб, унинг акциядорлари Ибрагимовлар оиласи (33,3%), тадбиркор Александр Машкевич (33,3%) ва келиб чиқиши ўзбекистонлик тадбиркор Патох Шодиев (33,3%).