Ўзбекистон Энергетика вазирлигида бўлиб ўтган йиғилишда Volkswagen электромобиллари, автомобил ёқилғиси, қайта тикланувчи энергия манбалари ишлаб чиқаришни йулга қўйиш масалалари кўриб чиқилди.
Ўзбекистонга Россия бозорида Volkswagen консернининг еттита бренди ишини бирлаштирган компания бош директори Штефан Меха бошчилигидаги делегация ташриф буюрди.
Фольксваген Груп Рус нима?
“Фольксваген Груп Рус” МЧЖ 2006 йил 29 майда имзоланган инвеститсия шартномаси натижасида ташкил этилган Volkswagen AG шўба корхонаси ҳисобланади. Унинг асосий заводи Калуга шаҳрида жойлашган.
Энергетика вазирлигида бўлиб ўтган учрашувда меҳмонларга мамлакатимизда Евро-5 стандартидаги мотор ёқилғиси ишлаб чиқаришни ривожлантириш режалари ҳақида сўзлаб берилди, хусусан, GTL заводининг фаолияти ва Бухоро нефтни қайта ишлаш заводини реконструкция қилиш ҳақида сўз юритилди.
Фольксваген Груп Рус компанияси вакилларининг Ўзбекистонда электромобиллар ишлаб чиқаришни йулга қўйиш имкониятлари қизиқиш уйғотди.
Делегация мамлакатимизда қайта тикланадиган энергия манбаларини ривожлантириш лойиҳалари билан ҳам таништирилди. Томонлар истиқболли қўшма лойиҳаларни ҳам муҳокама қилдилар.