Болгария НАТОнинг янги ҳарбий базасини қуришни бошлашга тайёрланмоқда, у ҳарбий казармалар, жиҳозларни сақлаш учун омборлар ва янги йўлларни ўз ичига олади.
Бу ҳақда Болгария мудофаа вазири Тодор Тагарев маълум қилди.
НАТОнинг биринчи Болгария базасини қуриш қиймати 51 миллион еврога баҳоланмоқда. Тагарев Болгария молиявий жиҳатдан лойиҳага қўшилишга тайёр еканлигини таъкидлаб, бунинг мамлакат учун иқтисодий жиҳатдан фойдали бўлишига умид билдирди.
«Мудофаа вазирлиги лойиҳани ишлаб чиқиш учун бюджет ресурсларига эга. Болгария ҳам бундай инфратузилмани қуриш жараёнида минтақани иқтисодий ва ижтимоий ривожлантириш имкониятларига эга», — деди Тагарев.
НАТОнинг янги базаси мамлакат жануби-шарқидаги Ямбол вилоятида жойлашган бўлиб, унинг қурилиши 2025-йилгача якунланиши режалаштирилган. Базада хизмат қиладиган офицерларнинг асосий қисми Италиядан юборилади.
«НАТОнинг янги базасида жойлашган жанговар гуруҳ эҳтимолий босқинчи таҳдиди юзага келган тақдирда мудофаа вазифаларини бажаради», — дея тушунтирди Тагарев.
Ушбу лойиҳа Болгариянинг мудофаа қобилиятини мустаҳкамлаш ва НАТО доирасидаги ҳамкорликка содиқлигини таъкидлайди.