Ўзбекистоннинг икки вилояти аҳолиси қор кўчкиси хавфи ҳақида зудлик билан огоҳлантирилди, деб хабар қилмоқда Ўзгидромет синоптиклари.
25—29-декабрь кунлари Тошкент ва Наманган вилоятларининг тоғли ҳудудларида ҳаво ҳароратининг сезиларли ўзгариши бўлиб, бу қор кўчкисига олиб келиши мумкин.
27-декабрь куни А-373 “Тошкент-Ўш” автомобил йўлининг Қамчиқ довонида қор ёғиши, баъзида кучли ёғингарчилик ва туман тушиши, кўриш масофасини 50 метргача қисқартириши мумкин.
Шамол тезлиги 15-20 м/с гача кучайиши натижасида қор кўчкиси ва йўлларда музлаш пайдо бўлиши мумкин.
Мазкур ҳолат юзасидан мазкур ҳудудлар аҳолисига эҳтиёт бўлиш, ушбу даврда тоғли ҳудудларга чиқмаслик, маҳаллий ҳокимият ва хавфсизлик хизматлари кўрсатмаларига амал қилиш тавсия этилади.
Зарур ҳолларда ҳудудлар аҳолисига эҳтимолий эвакуацияларга тайёр туриш ва эҳтиёт чораларини кўриш тавсия этилади.