Воқеа тафсилотлари Наманган вилояти ИИБ матбуот хизматида хабар қилинган.
“Жорий йилнинг 1 июн куни Уйчи туманида яшовчи, 1993 йилда туғилган, ички ишлар органларига мурожаат қилган. Аёл ўз баёнотида шу куни соат 10:00 да қизининг соғлиғи ёмонлашгани сабабли уни даволаниш учун туман касалхонасининг болалар бўлимига олиб борганлигини кўрсатган. У палатада ухлаб қолганида, 1996 йилда туғилган хонадоши қулоқларидан 750 минг сўмлик тилла сирғаларни олиб ташлаган.
Тергов жараёнида маълум бўлишича, унга қадар 31 май куни соат 16:00 да палатадаги бошқа бир аёлдан 240 000 сўм пул билан ҳамённи ўғирлаб кетган.
Ушбу факт бўйича туман ИИБ ҳузуридаги тергов бўлими томонидан Ўзбекистон Республикаси Жиноят кодексининг 169-моддаси 3-қисми билан жиноят иши қўзғатилди”, дейилади хабарда.