Навоий вилояти Хатирчин туманида яшовчи 30 ёшли маҳаллий фуқаронинг жасади ноқонуний равишда олтин рудаси қазиб олиш учун борган кон шахтасидан топилди.
Бош прокуратура маълумотларига кўра, йигит баландликдан қулаб вафот этган. 2023-йил 25-декабр куни у Зармитан конида олтин рудасини ноқонуний қазиб олиш мақсадида Навоий кон-металлургия комбинатига қарашли ҳудудга келган.
Эркак 15-январ куни кечки пайт шахтадан овини олмоқчи бўлганида арқоннинг узилиши натижасида 10-15 метр баландликдан йиқилиб, тан жароҳатлари олиб, вафот этган.
Мазкур воқеа юзасидан Навоий вилояти ИИБ тергов бошқармаси терговчилари томонидан тергов ҳаракатлари олиб борилиб, суд-тиббий экспертиза тайинланган.
2023 йилнинг ёзида худди шу конда олтин рудасини ноқонуний қазиб олиш билан шуғулланган икки йигит ҳалок бўлган эди.