Чорраҳада иккита автомашинанинг тўқнашуви натижасида бир киши ҳалок бўлди, тўрт нафари касалхонага ётқизилди, деб хабар бермоқда ДЙҲХББ.
Воқеа 11 декабр куни соат 17:50 да пойтахтнинг Мирзо Улуғбек туманидаги Темур Малик ва Дўрмон кўчалари чорраҳасида содир бўлган. Бу ерда 25 ёшли ҳайдовчи бошқарувидаги “Матиз” ва 27 ёшли ҳайдовчи бошқараётган “Лассетти” тўқнашиб кетган. Машиналардан бири иккинчисига чорраҳада йул бермаган, натижада ЙТҲ содир бўлган.
ЙТҲ натижасида “Матиз”нинг 65 ёшли йуловчиси воқеа жойида вафот этган. Икки автомобил ҳайдовчиси ва Лассеттининг икки йуловчиси, жумладан, олти ёшли бола касалхонага ётқизилган.
Мазкур факт юзасидан дастлабки тергов ҳаракатлари олиб борилмоқда.