Ўзбекистон маданият арбоби, сиёсат ва давлат арбоби Бахтиёр Сайфуллаевич Сайфуллаев 72 ёшида вафот этди.
Бу ҳақда Маданият вазирлиги матбуот хизмати хабар берди.
Бахтиёр Сайфуллаев 1951-йил 1-апрелда Тошкент шаҳрида туғилган. 1972 йилда А. Н. Островский номидаги Тошкент театр ва рассомлик институтини (ҳозирги Ўзбекистон давлат санъат ва маданият институти) тамомлаган.
2002-2005-йилларда Тошкент давлат санъат институти ректори, 2017-2020-йилларда Давлат консерваторияси ректори ва бир вақтнинг ўзида Ўзбекистон маданият вазири лавозимларида ишлаган.
Бахтиёр Сайфуллаев 2020 йилдан буён Ўзбекистон Олий Мажлиси Сенатининг ёшлар, маданият ва спорт масалалари қўмитаси раиси лавозимида ишлаб келаётганди.