2022-йилнинг биринчи чорагида Ўзбекистон томонидан қабул қилинган трансчегаравий ўтказмалар ҳажми 1,47 миллиард долларни ташкил этди, деб хабар бермоқда Марказий банк матбуот хизмати.
Бу ўтган йилнинг шу даврига нисбатан 49 миллион доллар ёки 3 фоизга кўпдир.
2022-йилнинг биринчи чорагида жисмоний шахслардан чет эл валютасини харид қилиш ҳажми ўтган йилнинг шу даврига нисбатан 585 миллион долларга ёки 38 фоизга ошиб, 2,11 миллиард долларга этди.
Тижорат банклари томонидан жисмоний шахсларга 1,73 миллиард доллар сотилган, бу ўтган йилнинг шу даврига нисбатан 709 миллион долларга ёки 69 фоизга кўпдир.
Бугунги кунда тижорат банкларида жисмоний шахслар учун Золотая Корона, Western Union, Contact, MoneyGram, MiGom, Unistream, RIA Money Transfer, Азия-Экспресс, Intel Express, UPT каби халқаро пул ўтказмалари тизимлари мавжуд.